Өзүнүн кандай адам экенин билүү каалоосу кимде болбосун пайда болот. Көп учурда психологиялык сүрөт-тесттер адам өзүн кесипкөй адистен дагы артык билүүсүнө көмөк берет. Сиз өтүүгө белсенип жаткан төмөнкү визуалдык тест сиздин ички дүйнөңүздү жана мүнөздөрүңүздү ачып бермекчи. Бул үчүн төмөнкү сүрөткө караңыз жана токтоосуз түрдө көзүңүзгө биринчи урунган сүрөттү тандап алыңыз!
Эркек жана аял
Эгерде көзүңүзгө биринчи кезекте алдыңкы планда турган-аял жана эркек көрүнсө анда күч-кубаты ашып-ташып турган, акылдуу жана чечкиндүү адамсыз. Ичиңизден дайыма шашып, сүйүктүү ишиңизди тезирээк баш-отум менен кирип жасасам деп турасыз.
Каалоолоруңуз абдан күчтүү. Эмне каалап жатканыңызды так билесиз жана максатыңызга умтуласыз. Бирок баардык нерсе чени менен болуш керектигин унутпаңыз. Күчтүү энергияны тең салмакта кармаш үчүн өзүңүзгө моралдык жана физикалык жактан эс алууну тартуулаңыз! Айланаңызды тез-тез өзгөртүп, тынчтандыруучу жагдай түзүп, таза абада көбүрөөк сейилдөөгө аракет кылыңыз!
Адамдын жүзү
Эгерде биринчи кезекте көзүңүзгө түшкөнү-адамдын жүзү болсо, анда сиз эмоционалдуу, кыялкеч жана чыгармачыл адамсыз. Сиз өзүңүздүн чөйрө менен гармонияда жашап, позитивдүү ойлоносуз.
Досторду бат эле таап аласыз, ар түрдүү мүнөздөгү адамдардын тилин бат эле табасыз, бирок ушундай назик мүнөзүңүздөн улам сиздин көңүлдү тез эле оорутуп, жүрөгүңүздү жаралап коюуга болот. Сиздин артыкчылык- айланаңыз ызы-чуу болуп жатса да баарын токтоо кабыл алганыңызда.
Алдыңкы пландагы фигура
Сиз абдан ынтаа койгон, акылдуу, баардык нерседен кабардар болуп турууну каалаган адамсыз, анткени башкалар биринчи кезекте байкай албаган фигураны көрдүңүз.
Көп учурда ойлонуп, унчукпай журөсүз, бирок ошол эле маалда өзүңүздүн пикирди кое бербей ар кандай талаш-тартышка, дебатка түшкөндү жактырасыз. Башыңызда ар кандай идеаялар көп. Жалпысынан алганда сиз мыкты уюштургуч, алдыга умтулган лидерсиз, бирок кежирдигиңиз жана өтө эле өзүңүзгө ишенгениңиз көп убарага салышы ыктымал. Баарын тең салмакта кармап турушу үчүн аргессивдүү адамдардан алыс болуп, жакшы санаалаш адамдардын чөйрөсүндө көп болууга аракет кылыңыз!
beles.kg