Сулуулук салыштырмалуу мүнөздөмө экени белгилүү. Аялзаты жалгыз гана сырткы келбетинин сулуулугу менен эмес өзгөчө сапаттары менен да мырзалар үчүн жагымдуу боло алат. Психологдор сурамжылоонун жыйынтыгында эркектер үчүн сулуу, жагымдуу, идеалдуу боло турган аялзатынын жалпы өзгөчөлүктөрүн төмөнкүдөй белгилешкен.

Анда эмесе бул өзгөчөлүктөргө көз жүгүртүңүз.

1. Жылмайып, позитивдүү жүрөт 

Идеалдуу аялдар жашоонун ар бир учуруна шүгүр кылып, көңүлү ток, бактылуу болуп жүрөт. Жашоосун жөнү жок оорлотуп, ызы-чуу салып, сабырсыздыкка алдырбайт. Бүгүн кыйынчылык болуп жатса, ал эртең өтүп кетерин билет. Жагымдуу жылмайганы-эркектин жүрөгүн ээлеп алчу эң башкы куралдарынын бири.

2. Таза, жарашыктуу кийинет

Жагымдуу аялдар кайсыл жерге, кандай шартта эмне кийсе жараша турганын билет. Мода кубалап кетпесе да жарашыктуу, тыкан кийим аны ишенимдүү кыларын түшүнөт жана кийген кийими ага куп жарашып турат.Табити мыкты.

3. Туура сүйлөгөндү билишет

Акылдуу аялдар академиялык акылга ээ болуп, сизге теориялардын баарын үйрөтпөйт. Ал жашоого реалдуу караган, турмуштук акылмандыкка ээ. Ким менен болбосун анын тилин таап, туура сүйлөшүп кеткенди билет. Бир нерсени айтардан мурда ойлонуп, сөзүн салмактап сүйлөйт.

4. Тамакты туура тандап жегенди билет

Мындай айымдар өзүнүн денесине жана келбетине дайыма көңүл бөлөт. Жаман адаттардан алыс болуп, табитине жараша тамак жеп, келбетинин, дене түзүлүшүнүн сулуу болуп турушуна ар дайым кам көрөт.

5. Адамды уга жана түшүнө билет

Көпчүлүк адамдар өзү менен өзү болуп жүргөндү жактырышат. Бирок жагымдуу аялдар башка бирөөнүн, анын ичинде эркектин айтканына да көңүл бөлүп угуп, ага туура багыт бере алат. Адамды уга билүү дагы чоң исскуство экенин жакшы өздөштүрүшкөн.

6. Алар дайым жаңы нерсени үйрөнүп турушат

Мыкты аялдар дайыма жашоосуна жаңы нерселерди үйрөнүп, өздөштүрүп турушат.Ошонусу менен алар ар дайым кызыктуу.

7. Өзүн карап, таза жүрүшөт

Алар дайыма тыкан жана таза жүрөт.Үйүнө, өзүнө, жубайына ыңгайлуулукту түзгөндү билет.  

8. Боорукер, адамгерчиликтүү

Жан дүйнөсүндө мындай аялдар чыныгы аялзатына тиешелүү назик, боорукер болот. Жашоонун кайсы учурунда кандай чечим кабыл алууну билип, ыңгайга жараша ийкемдүү болууну өздөштүрүшкөн.

9. Өз баасын билет

Мыкты аялдар ар кандай шарттарда өзүн ишенимдүү алып жүрөт. Комплекстери жок жана өзүн жана өзгөлөрдү сыйлай билет.Ушак айткандан, жашоосуна нааразы болгондон, бирөөдөн өзүн кем сезип же артык сезгенден алыс. Текебер, өзүмчүл эмес. Өз баасын билип, орду менен жүрөт.

10. Эркекти шыктандырат

Алардын жанында эркектин өзүнө карата баасы жогорулайт. Мындай аялдардын жанында эркек “ойду омкоруп, тоону томкоруп келчүдөй” шыктанып жашоосуна жаңы максаттарды коюп, чечкиндүү жана эрктүү болуп, “жакшы аял-жакшы тыл” деп эсептеп турат.

Айтор идеалдуу деп аты айтып тургандай мындай айымдарга кабылган эркектерди ийгиликтер күтүп турат.

Автор. beles.kg